هادا كلامي

أحلى كلام في الحب انا قولته
لما وعدني في يوم وقابلته
شفت الفرحة بتسبق قلبي
والعين رقصت لما انا شوفته
شفت البدر ف وصفه تمام
وجمال ايه عمرى انا ماعرفته
قاللي ياغالي ازي الحال
وأنا مشدود بتأمل صورته
ردد قاللي اسم الله عليك
قلت ماشالله وأهلا بيك
قاللي ياغالي وقعت ف حبك
خدني معاك الله يخليك
عشت ف دنيا غير الدنيا
شوفت وشوش الناس حاجه تانيه
كل كلامهم حب ف حب
شوفت دا كله ف لحظه وثانيه
لما ندهلي وقاللي ياغالي
قلت يانور العين لبيك
ولقيت قلبي بينطق قبلي
انا ياحياتي ملك ايديك
انا باتمنى اللحظه تجيني
بس أشوفك وافرح بيك
انت الغالي وأغلى ياغالي
وانت ف نن عنيا اداريك
ولاقيت ايده بتلمس ايدي
حسيت يومها بسحر عجيب
حسيت رعشه بتجري ف دمي
يعجـــــز عنها أي طبيب
ولقيت روحـــي بتهرب مني
عايزة تروح لاعز حبيب
ضميت ايده بكل حنان
قلت له زيدني حب كمان
قام قال كلمة مش ح انساها
نفسي وصالك يبقى قريب
وانا باتمنى اليوم ده يجيني
قلت انشالله ياروحي قريب
انا بصيت له وعينه قبالي
وانا مش حاسس باللي جرالي
وقبل ماقوله ع اللي ف بالي
قام قال وقتي عدى ياغالي
بس باقولك اشوفك بكره
ونبقى نعيش الحب دا تاني
مش راح اسامحك لو ماتجيش
دانا من غيرك مش راح اعيش
ومن الفرحه لقيتني مافيش
ولقيت نفسي بأقول آه يااااااااااااااااااااني
***
مع